Director wa "The lord of the ring" aandaa Documentary ya vita ya dunia

Director Peter Jackson ambae ameandaa filamu za The lord of the ring na The Hobbit ameandaa filamu katika mfumo wa makala ( Documentary Film) inayohusu vita ya kwanza ya Dunia na filamu hiyo itazinduliwa kwenye maonyesho ya filamu jijini London yanayojulikana kama London Film Festival.

Documentary hiyo ambayo mpaka sasa hajaipa jina imetumia uhalisia wa namna vita ilivyokuwa pamoja na baadhi ya sauti alizozipata kwenye jumba la nyaraka la Shirika la BBC.

Pia amesema documentary hiyo itatumika kama moja ya kumbukumbu kwa taifa la Uingereza katika vita ya kwanza ya Dunia iliyo chukua nafasi kuanzia mwaka 1914 hadi 1918.

Kila mwanafunzi wa sekondari atapewa nakala moja kwa ajili ya kujifunza historia ya nchi hiyo na kujua vilivyotokea kwenye vita ya kwanza ya Dunia.