Hellen George ndilo jina lake halisi lakini kwa watu wengi
anafahamika zaidi kama Ruby. Ngoma yake ya kwanza kumtambulisha vyema katika
ulingo wa burudani ilitoka mwaka 2016 ambapo mpaka sasa video yake imetazamwa
na zaidi ya watu Milioni tatu katika mtandao wa Youtube.
Ruby anafunguka kuwa, kwake wimbo wa Na Yule ni wimbo ambao
alitungiwa na Barnaba na ni mojawapo ya
nyimbo anazozipenda sana kwasababu kwake ndio wimbo uliyofungua njia kwake ya
Muziki.
“Huo wimbo siwezi kuusahau sababu katika historia yangu ya
kisanaa sababu kwanza wakati nauandaa nilikuwa nina presha kweli kama
utapokelewa kama ninavyotegemea,” alisema.
“Lakini baada ya kutoka na kukubaliwa kwa kiasi kikubwa, ndipo
niliamini kuwa kila kitu kumbe kinawezekana cha msingi ni kujiamini tu na
kuamini kile unachokifanya,” aliongeza.
Mwaka 2018 anawaambia watu wajipange.
Kwa mwaka 2017 aliachia ngoma moja iliyokwenda kwa jina la Wale
Wale ambayo iliweza kufanya vizuri katika vituo mbalimbali vya Redio.
Kwa mwaka huu, ameanza kwa kurudia wimbo wa Aslay “Baby” kwa
kinamna yake, zikifahamika na wengi kwa jina la Kava.
“Nimeamua kufanya hivyo lengo langu kuu ni kuwaonesha
mashabiki zangu kuwa nipo, na ninakuja kuwapa zaidi burudani nzuri hivyo wasiwe
na hofu ndio maana nimeachia kava hiyo ni kutoka moyoni kabisa,”
Anaongeza zaidi kuwa katika kuachia ngoma kwa mwaka huu mpya,
ataangalia zaidi mipango yake na sio
kuangalia namna gemu la Bongo linavyoenda.
“ Mimi nitaachia ngoma kutokana na wakati sahihi nitakapo ona
mashabiki zangu wanatakiwa kupata kwa wakati huo na sio kuangalia upepo sijui
kwamba kwa sasa Muziki umekaa kinamna hii, Hilo watu wasitegemee, sababu
ukiangalia upepo unaweza kukupeleka Baharini muda mwingine” aliongeza zaidi.
Anasimamiwa
na nani kwa sasa?
“Kwa sasa nipo ndani ya uongozi mpya ila sipo tayari kuweka
wazi ni uongozi gani ambao unasimamia kazi zangu kwa sababu ndio kwanza safari
tumeianza,”
“Ila sio muda nitaweka wazi hasa baada ya mipango kadhaa
kukamilika ambapo tupo tunaiweka vizuri zaidi,” aliongeza zaidi.
Mipango
ya Albamu.
Anafunguka zaidi kuwa mipango ya Albamu kwake bado anayo kwa
sababu Albamu ni mojawapo ya sifa kwa Mwanamuziki yeyote.
“Nipo kwenye mipango nafikiria kufanya kitu ambacho kitakuwa
kipo kizuri ila nipo naangalia namna ambayo nitaifanya iwe ni nzuri ambayo
itaniwezesha nifurahie ninachokifanya na sio mwisho wa siku nijilaumu,”
Watu
wasichokijua kutoka kwake.
“Mimi huwa nafanya kile kitu ninachoona ni sahihi kwangu na
sio mtu kwake anachoona ni sahihi nafikiri hapo ndipo wengi hawakijui kutoka
kwangu,”
“Mimi nafanya kitu pale ninapoona nina uwezo nacho na kina
maslahi kwangu, na sio mtu kunipangia hapo na ndio maana tunakosana na watu
wengi sana,” aliongeza zaidi.
Kwake
hajali matusi
Kama ukitembelea baadhi ya mitandao yake ya kijamii, hususani
Instagram mara kadhaa amekuwa akitukanwa na baadhi ya mashabiki ambapo kwake
anasema hawamuumizi kwa lolote.
SOMA PIA>> "MSANII ANAETAKA BIFU NIPO TAYARI," MWANA FA
“Kuna watu pia wana komenti za kukatisha tamaa, mimi
ninachofanya huwa nafuta na kisha hata kuwa Block kabisa,”
“Unajua Watanzania kwetu imekuwa ni kawaida sana kukatishana
tamaa na wivu wa ajabu ila mimi hata hawanibabaishi na matusi yao mimi naendelea
kupambana kivyangu kama nilivyosema nafanya kile ninachoona ni sahihi,”
aliongeza zaidi.
No comments:
Post a Comment