Staili ya Muziki aina ya Trap ambayo imeibuka kwa miaka ya
karibuni imeonekana kushika kasi kwa kiasi kikubwa huku Bongo nao wasanii
mbalimbali wa Rap wakiifanya japo imekuwa na mapokeo hafifu.
Moja ya wasanii wanaosifika kwa kufanya Trap kali huwezi
kuacha jina la msanii Gosby,ambae floo zake pamoja na mashairi yake tangu
anatoka mpaka sasa ameweza kujijengea ngome yake.
Alikoanzia.
“Nilianza Muziki tangu nikiwa shule tena nilikuwa naimba
kipindi hicho,lakini baadae nilianza kurap na watu wakawa wanapenda zaidi
nikiwa narap sababu kwa kipindi hicho nilikuwa nafanya sana remix za wasanii
wengine kwenye miaka ya 2007,”
“Wimbo wangu wa kwanza kupata mafanikio ulikuwa ni Everyday
ambao niliutoa mwaka 2012 ulipendwa sana na baadae zikaanza kuja zingine ambazo
zilifanya poa pia kama BMS,” aliongeza.
Mgogoro
na B Hitz
Kipindi Fulani Gosby alikuwa akifanya kazi zake katika studio
za B Hitz ambazo zinamilikiwa Hammy B chini ya produza Pancho Latino ambapo
kuna mgogoro ulitokea uliosababisha wasanii waliokuwepo katika lebo hiyo wote
kuondoka akiwepo yeye pia.
Akizungumza kwa sasa uhusiano wao anasema kuwa wapo fresh “Mimi na B Hitz tuko fresh tofauti na watu wanavyofikiria na
hakuna shida yoyote ile yale matatizo yaliyokuwepo mwanzo yalishaisha na maisha
yanaendelea,” aliongeza
Mixtape yake.
“Mixtape yangu inakuja mwezi machi mwakani au pia inaweza
kuwahi sababu kuna vitu tupo tunaweka sawa yakiwa sawa tu watu wataanza kuipata
maana nasumbuliwa sana,”
Wimbo
wake na Izzo B
Kolabo yake na Izzo B inayokwenda kwa jina la Oh No anasema
kuwa hakupanga kufanya na Izzo B lakini alikuwa na mipango nae tangu muda ya
kufanya nae ngoma.
“Hii ngoma kuna watu walinizingua nilitaka kufanya nao,hivyo
nilipodondoka kwa Izzo B yani fasta jamaa akanibariki na mashairi yake kwenye
ngoma yangu,” alisema.
Elimu na
Muziki.
“Mimi elimu yangu nimeishia chuo na nilianza muziki tangu
nikiwa shule na sikuacha shule nimeweza kufanya yote na kwa ubora na kuna mambo
naona kabisa elimu inachangia kwa namna muziki wangu ninavyofanya,”
“Nawashauri sana na
bado ntaendelea kuwashauri rapa wengi,kamwe wasijaribu kuacha shule
sababu ya muziki nawaambia unaweza kufanya vyote kwa wakati mmoja ni wewe
kupanga muda vizuri basi,”
“Kwanza Muziki ukiwa na Elimu kidogo inasaidia sana katika
mambo mengi hata uwasilishaji na ujuzi wako unakuwa vizuri sana,”Aliongeza
Kimya
kwenye gemu
“Nimekaa kimya kidogo kwenye gemu sababu nilikuwa nafanya
mambo mengine ambayo yalikuwa yananibana kuweza kufanya muziki lakini kwa sasa
nimeshapanga mambo yangu vizuri na ndio maana nimeachia dude hilo ambalo video
yake inakuja baada ya kama wiki mbili,”
