Country Boy: Sitosahau Haya.

MSANII toka Bongo Fleva amefunguka baadhi ya mambo kwake ambayo hawezi kusahau kutoka kwa mashabiki zake katika tasnia yake ya muziki ambapo kwake alitaja mambo mawili ambayo hatosahau.

“Sitosahau ilikua Mbeya nimeshuka kwenye steji alikuja Dada mmoja alikua akilia kabisa anataka kupiga nami picha alafu anasema alikua na zawadi yangu kabisa kaandika jina langu pale Country Boy kiukweli nilifurahi sana na nilipiga nae picha akanipa ile zawadi,”

“Wakati narudi sasa kufungua zawadi hiyo nikakuta kaniwekea nguo yake ya ndani,nilistuka alafu nilicheka sana pia sababu sikujua alikua na lengo gani hasa na zawadi kama hiyo mpaka leo nikikumbuka nacheka sana,” aliongeza

“Jambo la pili sitosahau ilikua ni Escape One nilikua na shoo baada ya kumaliza nilifuatwa na Mama mmoja alikua na Watoto zake wa kike akanambia kua katoka nyumbani lengo kawaleta watoto zake wapige nami picha sababu wananipenda sana,”

“Nilishangaa sana sababu kwanza hadi mzazi kukubali kuwaleta watoto zake tena wa kike sababu sisi wasanii tunachukuliwa kama wahuni akakubali kuwaleta kwangu ilikua ni heshima kubwa sana sana na siwezi kusahau kabisa,” alimaliza.

Country Boy kwa sasa anatamba na wimbo wake wa Turn Up aliomshirikisha Mwana Fa ambapo mpaka sasa katika mtandao wa Youtube imekwisha tazamwa na watu zaidi ya laki mbili ambapo anakiri kuendeleza kuja zaidi na staili ya muziki tofauti sababu yeye ni msanii ambae hapendi kubaki vile vile kila siku.

“Zamani nilikua narap sana ila kwa Turn Up umeona kwa jinsi nilivyobadirika na watu wategemee staili nyingi zaidi hata ya hii waliyoiskia katika Turn Up,” alimaliza.